Ito ang bagong taguri kay Konsehal Dante De
Guzman ng mga taga-Lungsod Quezon na nakasaksi kung papaano niya
ginagampanan ang kanyang dedikasyon sa pagsusulong ng mga programa at
proyektong direktang napapakinabangan ng mga mamamayan ng Quezon City.
Si Konsehal Dante De
Guzman o mas kilala bilang "DANTE" ay nasa ikatlong termino na ng
pagiging Konsehal subalit walang humpay pa rin ang paglulungsad nito ng
mga programang may malaking maiaambag tungo sa pagpapanatili ng isang
maunlad na lungsod.
"Kaalaman, Kalusugan,
Kabuhayan, ito ang bagong anyo ng ating ginagawang pakikibaka sa buhay.
Ito ang bagong KKK" ayon
kay Konsehal De Guzman sa isang panayam sa kanya.
Magugunitang minsan na ding nabansagan si Konsehal
DANTE bilang "Kampeon ng Kabataan" dahil sa pagiging "Pinakabatang
pangulo ng Chamber of Commerce sa Pilipinas at sa buong mundo noong
taong 2000" bago siya sumabak sa pulitika. Isang pagkilala na
nagbigay sa kanya ng ibayong lakas at mahalal bilang Konsehal sa kabila
ng kanyang pagiging bagong mukha sa pulitika ng Lungsod Quezon noong
panahong iyon.
Matinding pagpapahalaga ang
isinukli ni Konsehal DANTE sa mga nagtiwala sa kanya. Sapul nang
mabigyan ng pagkakataong makapaglingkod sa Konseho ay naging masigasig
at masipag siya sa kanyang pagtupad sa tungkulin bilang Lokal na Opisyal.
Kasabay ng paglago ng kanyang
kaalaman sa pamamalakad ng lokal na tanggapan ay ang mga simulaing
magpahanggang ngayon ay patuloy na tinatangkilik at pinakikinabangan ng
mga taga- Quezon City.
Ilan sa mga natatanging programa ni Konsehal
Dante ay ang mga sumusunod: Barangay Iskolar, Streetlinks, Yamang
Kalusugan, Kabuhayang Pinoy, Free English Training, Call Center
Training, Sandigan ng Kababaihan Pangkabuhayan (Sangkap), Road
Concreting at Drainage & Sidewalk Rehabilitation, Strret Signages, Jobs
Fairs, Books for Kids, Food for Kids, Date with the Seniors at marami
pang iba.
